ធនាគារ​ពិភពលោក​បន្ត​ផ្អាក​ផ្តល់​សម្បទាន​ហិរញ្ញវត្ថុ​ដល់​កម្ពុជា​ដោយសារ​បញ្ហា​ជម្លោះ​ដីធ្លី

October 22, 2014

ដោយៈ យន់ សាមៀន,អាស៊ីសេរី, ថ្ងៃទី ២២​ ខែ តុលា ឆ្នាំ ២០១៤

ធនាគារ​ពិភពលោក បឹងកក់ ៦១០

ក្រុម​អ្នក​មាន​បញ្ហា​ដីធ្លី ពិសេស​អ្នក​បឹងកក់ តវ៉ា​នៅ​ខាង​មុខ​ការិយាល័យ​ធនាគារ​ពិភពលោក កាល​ពី​ថ្ងៃ​ទី​១៦ មិថុនា ២០១៤។

ធនាគារ​ពិភពលោក (World Bank) អះអាង​ថា ធនាគារ​នេះ​បន្ត​ផ្អាក​ផ្តល់​ប្រាក់​កម្ចី​អភិវឌ្ឍន៍​ដល់​កម្ពុជា ដោយសារ​តែ​បញ្ហា​ជម្លោះ​ដីធ្លី​នៅ​កម្ពុជា។ ធនាគារ​ក៏​សន្យា​នឹង​តាម​ដាន​ស្ថានភាព​ជម្លោះ​ដីធ្លី​នៅ​តំបន់​បឹងកក់ និង​បន្ត​ពិភាក្សា​បញ្ហា​ដីធ្លី​ជាមួយ​កម្ពុជា និង​ជាមួយ​បណ្ដា​អង្គការ​ក្រៅ​រដ្ឋាភិបាល​ផ្សេងៗ​ទៀត។

ការ​ប្រកាស​គោល​ជំហរ​របស់​ធនាគារ​នេះ ធ្វើ​ឡើង​ក្រោយ​ពេល​មេធាវី​អន្តរជាតិ ដែល​មាន​មូលដ្ឋាន​នៅ​សហរដ្ឋ​អាមេរិក បាន​ដាក់​ញត្តិ​ទៅ​ធនាគារ ទទូច​អោយ​បន្ត​ផ្អាក​ប្រាក់​កម្ចី​ទៅ​រដ្ឋាភិបាល​កម្ពុជា រហូត​ដល់​មាន​ដំណោះស្រាយ​ជម្លោះ​ដីធ្លី​ទូទាំង​ប្រទេស​សមស្រប​មួយ។

នាយក​ធនាគារ​ពិភពលោក ប្រចាំ​តំបន់​អាស៊ី​អាគ្នេយ៍ លោក យូរ៉ិច ហ្សាចៅ (ULRICH ZACHAU) បាន​ស្នើ​លិខិត​មួយ​ច្បាប់​ទៅ​មេធាវី​អាមេរិកាំង លោក មូរតុន ក្លា (Morton Sklar) ដោយ​បញ្ជាក់​ថា ធនាគារ​ពិភពលោក បន្ត​ផ្អាក​ផ្តល់​ប្រាក់​កម្ចី​ដល់​កម្ពុជា។ លិខិត​ផ្ញើ​ទៅ​កាន់ លោក មូរតុន ក្លា ចុះ​ថ្ងៃ​ទី​១៧ តុលា បញ្ជាក់​ថា សមាគម​ផ្តល់​ជំនួយ​អន្តរជាតិ​របស់​ធនាគារ​មិន​ទាន់​បាន​ពិចារណា​សម្រេច​ ផ្តល់​ប្រាក់​កម្ចី​ទៅ​ដល់​កម្ពុជា នៅ​ឡើយ​ទេ។

លោក យូរ៉ិច ហ្សាចៅ បន្ត​ទៀត​ថា ការ​សន្យា​ផ្តល់​ប្រាក់​កម្ចី​ណា​មួយ​នោះ តម្រូវ​ឲ្យ​មាន​កិច្ច​ពិភាក្សា​ច្រើន​ជាមួយ​នឹង​ភាគី​ដៃគូ​អភិវឌ្ឍន៍​ទាំង​ ឡាយ។ ធនាគារ​នេះ​នឹង​បន្ត​ទទួល​យក​អនុសាសន៍ និង​ការ​ចូលរួម​ដោះស្រាយ​ទាំង​ឡាយ​ពី​សំណាក់​សង្គម​ស៊ីវិល។ លោក​ថា ធនាគារ​ពិភពលោក នឹង​បន្ត​តាម​ដាន​ស្ថានភាព​នៅ​តំបន់​បឹងកក់ ហើយ​នឹង​សន្យា​បន្ត​ជួយ​កម្ពុជា ដើម្បី​ដោះស្រាយ​បញ្ហា​ប្រឈម​ក្នុង​កិច្ចការ​អភិវឌ្ឍន៍។

មេធាវី​អាមេរិកាំង តំណាង​ឲ្យ​ជន​រងគ្រោះ​នៃ​ការ​រំលោភ​ដីធ្លី​នៅ​កម្ពុជា លោក មូរតុន ក្លា បាន​ដាក់​ញត្តិ​ទៅ​ធនាគារ​ពិភពលោក កាល​ពី​សប្ដាហ៍​មុន ស្នើសុំ​ឲ្យ​ធនាគារ​នេះ​បន្ត​ផ្អាក​ប្រាក់​កម្ចី​ប្រមាណ ២៥​លាន​ដុល្លារ​ទៅ​រដ្ឋាភិបាល​កម្ពុជា ដោយសារ​តែ​វិបត្តិ​ដីធ្លី និង​ការ​បង្ខំ​ចេញ​នៅ​កម្ពុជា កំពុង​បន្ត​កើត​មាន​យ៉ាង​ធ្ងន់ធ្ងរ​នៅ​ឡើយ។

ធនាគារ​ពិភពលោក បាន​ផ្អាក​ផ្តល់​ប្រាក់​កម្ចី​ឲ្យ​កម្ពុជា កាល​ពី​ខែ​សីហា ឆ្នាំ​២០១១ ពីព្រោះ​តែ​គោល​នយោបាយ​បង្ខំ​បណ្ដេញ​ពលរដ្ឋ​ចេញ​ពី​ផ្ទះ​សម្បែង និង​ដីធ្លី​របស់​រដ្ឋាភិបាល លោក ហ៊ុន សែន។ ប៉ុន្តែ នៅ​ពេល​ថ្មីៗ​នេះ មាន​សេចក្តី​រាយការណ៍​តាម​បណ្ដាញ​ព័ត៌មាន​ថា ធនាគារ​ចង់​ផ្តល់​ប្រាក់​កម្ចី​ឲ្យ​កម្ពុជា វិញ​នៅ​ខែ​ធ្នូ ខាង​មុខ​នេះ។ កាល​ពី​ខែ​សីហា ឆ្នាំ​២០១១ ធនាគារ​ពិភពលោក បាន​ផ្អាក​ជា​បណ្ដោះអាសន្ន​ចំពោះ​គម្រោង​ប្រាក់​កម្ចី​ដល់​រដ្ឋាភិបាល​ កម្ពុជា ដើម្បី​ជំទាស់​ទៅ​នឹង​គោល​នយោបាយ​រដ្ឋាភិបាល​កម្ពុជា ជុំវិញ​ការ​បង្ខំ​បណ្ដេញ​ពលរដ្ឋ​ចេញ​ពី​លំនៅឋាន ដើម្បី​ឲ្យ​ក្រុមហ៊ុន​អភិវឌ្ឍ។

អតីត​នាយក​ធនាគារ​ពិភពលោក​ប្រចាំ​កម្ពុជា លោក អាណេត ឌិហ្សុន (Annette Dixon) សរសេរ​ក្នុង​សេចក្តី​ថ្លែងការណ៍​ថា លុះត្រា​តែ​រដ្ឋាភិបាល​កម្ពុជា មាន​កិច្ច​ព្រមព្រៀង​សមស្រប​មួយ​ជាមួយ​នឹង​ពលរដ្ឋ​បឹងកក់ ពុំ​ដូច្នោះ​ទេ ធនាគារ​នឹង​មិន​ផ្តល់​ប្រាក់​អ្វី​ទាំងអស់​ដល់​ប្រទេស​កម្ពុជា។

លោក មូរតុន ក្លា បញ្ជាក់​ថា គោល​ជំហរ​របស់​ធនាគារ​ពិភពលោក ជា​ភស្តុតាង​ថ្មី​មួយ​បន្ថែម​ទៀត​បញ្ជាក់​ថា វិបត្តិ​ដីធ្លី​នៅ​កម្ពុជា មាន​សភា​ធ្ងន់ធ្ងរ​នៅ​មិន​ទាន់​អាច​ដោះស្រាយ​បាន។ លោក​ថា លិខិត​របស់​ធនាគារ​ពិភពលោក អាច​ផ្តល់​ទម្ងន់​បន្ថែម​ទៀត​ទៅ​ដល់​ពាក្យ​បណ្ដឹង​របស់​ជន​រងគ្រោះ​នៅ​ តុលាការ​ព្រហ្មទណ្ឌ​អន្តរជាតិ អាយស៊ីស៊ី (ICC) ដែល​បាន​ចោទ​ប្រកាន់​រដ្ឋាភិបាល​កម្ពុជា ពី​បទ​ឧក្រិដ្ឋកម្ម​ប្រឆាំង​នឹង​មនុស្ស​ជាតិ៖ «លិខិត​របស់​ធនាគារ​មាន​ ចំណុច​សំខាន់​ពីរ។ ទី​១ ព័ត៌មាន​ផ្សព្វផ្សាយ​ដែល​អះអាង​ថា ធនាគារ​នឹង​ផ្តល់​ជំនួយ​ឲ្យ​កម្ពុជា វិញ​នោះ ជា​ព័ត៌មាន​មិន​ត្រឹមត្រូវ។ ហើយ​សេចក្តី​សម្រេច​របស់​ធនាគារ​ណា​មួយ នឹង​ត្រូវ​ធ្វើ​ឡើង​ដោយ​ល្អិតល្អន់ ពាក់ព័ន្ធ​បញ្ហា​ដីធ្លី ដោយ​មាន​ការ​ចូលរួម​ពី​ពលរដ្ឋ​រងគ្រោះ។ ទី​២ បង្ហាញ​ថា សហគមន៍​អន្តរជាតិ នឹង​មិន​ព្រងើយ​កន្តើយ។ សហគមន៍​ទាំង​នោះ​នឹង​បង្ខំ​ឲ្យ​រដ្ឋាភិបាល​កម្ពុជា យក​ចិត្ត​ទុក​ដាក់​ដោះស្រាយ​បញ្ហា​ជម្លោះ​ដីធ្លី»

បច្ចុប្បន្ន តុលាការ​ព្រហ្មទណ្ឌ​អន្តរជាតិ កំពុង​ពិនិត្យ​ពាក្យ​បណ្ដឹង​របស់​ក្រុម​មេធាវី​អង់គ្លេស លោក រីឆាត រ៉ូជើ (Richard Rogers) ស្នើសុំ​ឲ្យ​ស៊ើប​អង្កេត​មន្ត្រី​រដ្ឋាភិបាល​កម្ពុជា ពី​បទល្មើស​ប្រឆាំង​នឹង​មនុស្ស​ជាតិ ពាក់ព័ន្ធ​នឹង​ការ​បង្ខំ​បណ្ដេញ​ពលរដ្ឋ​ចេញ​ពី​លំនៅឋាន​ដោយ​បង្ខំ។ ពាក្យ​បណ្ដឹង​នេះ មិន​បាន​ចោទ​ចំ​ឈ្មោះ​មន្ត្រី​រដ្ឋាភិបាល​ឡើយ ដោយ​ស្នើ​ឲ្យ​តុលាការ​ស៊ើប​អង្កេត​ដោយ​ឯករាជ្យ។ កាល​ពី​ខែ​មីនា ឆ្នាំ​២០១៣ លោក មូរតុន ក្លា ក៏​បាន​ដាក់​ពាក្យ​បណ្ដឹង​មួយ​ប្រឆាំង​នឹង លោក ហ៊ុន សែន ជាប់​ពាក់ព័ន្ធ​នឹង​ការ​បាញ់​សម្លាប់​បាតុករ និង​ការ​បង្ខំ​បណ្ដេញ។ បច្ចុប្បន្ន តុលាការ​កំពុង​ពិនិត្យ​បណ្ដឹង​នេះ​មុន​នឹង​ស៊ើប​អង្កេត​ជា​ផ្លូវ​ការ។

លោក មូរតុន ក្លា បន្ថែម​ទៀត​ថា លិខិត​របស់​ធនាគារ​ពិភពលោក ក៏​បញ្ជាក់​ដែរ​ថា ដំណោះស្រាយ​របស់​រដ្ឋាភិបាល​ជុំវិញ​បញ្ហា​ដីធ្លី​មិន​មាន​ប្រសិទ្ធភាព ហើយ​មិន​អាច​យក​លទ្ធផល​នៃ​ការ​ដោះស្រាយ​នេះ​ទៅ​ជា​ភស្តុតាង ដើម្បី​ឲ្យ​ធនាគារ​ផ្តល់​ប្រាក់​កម្ចី​ឲ្យ​វិញ៖ «បញ្ហា​ដីធ្លី​មិន​ទាន់​ អាច​បញ្ចប់​បាន​នៅ​ឡើយ​ទេ។ រដ្ឋាភិបាល​កម្ពុជា ដោះស្រាយ​បញ្ហា​ដី​មួយ​ចំនួន​តូច​តែ​ប៉ុណ្ណោះ។ រដ្ឋាភិបាល​ត្រូវ​តែ​ដោះស្រាយ​បញ្ហា​ទាំង​នោះ​ឲ្យ​បាន​ម៉ត់ចត់ ហើយ​បញ្ហា​ដីធ្លី​នេះ​ត្រូវ​មាន​ការ​ចូលរួម​ពី​សហគមន៍​អន្តរជាតិ។ ដូច្នោះ​តាម​រយៈ​ធនាគារ​ពិភពលោក​ផង និង​តុលាការ​ព្រហ្មទណ្ឌ​អន្តរជាតិ​ផង នឹង​បន្ត​ដាក់​គំនាប​លើ​រដ្ឋាភិបាល​កម្ពុជា ដើម្បី​ចាប់​បង្ខំ​រដ្ឋាភិបាល​នេះ​ឲ្យ​ដោះស្រាយ​បញ្ហា​ដីធ្លី​ឲ្យ​ម៉ត់ចត់ និង​ត្រឹមត្រូវ»

មក​ទល់​ពេល​នេះ រដ្ឋាភិបាល​នៅ​មិន​ទាន់​បាន​សម្រេច​ដោះស្រាយ​ឲ្យ​ពលរដ្ឋ​នៅ​តំបន់​បឹងកក់ ឲ្យ​បាន​ចប់​សព្វគ្រប់​នៅ​ឡើយ​ទេ។ ទោះ​បី​ជា​រដ្ឋាភិបាល​សម្រេច​ផ្តល់​ដី​ប្រមាណ ១២​ហិកតារ​ទៅ​ឲ្យ​ពលរដ្ឋ​តំបន់​បឹងកក់ ប៉ុន្តែ​នៅ​មិន​ទាន់​មាន​ការ​កំណត់​ផែនទី​ដី ១២​ហិកតារ​នោះ​ឲ្យ​បាន​ច្បាស់​លាស់​នៅ​ឡើយ​ទេ។ កាល​ពី​ឆ្នាំ​២០១១ រាជ​រដ្ឋាភិបាល បាន​ចេញ​អនុក្រឹត្យ​លេខ​១៨៣ ផ្តល់​ដី​ទំហំ ១២,៤៤​ហិកតារ ដើម្បី​ឲ្យ​ប្រជាពលរដ្ឋ​អភិវឌ្ឍ​នៅ​នឹង​កន្លែង។ ប៉ុន្តែ​រហូត​មក​ទល់​ពេល​នេះ ព្រំ​ដី​ប្រជាពលរដ្ឋ​ភាគ​ច្រើន​នៅ​មិន​ទាន់​បាន​កំណត់​នៅ​ឡើយ​ទេ។

នាយក​លេខាធិការដ្ឋាន​ក្រុម​ការងារ​ពិសេស​សិទ្ធិ​លំនៅឋាន លោក សៀ ភារម្យ នៅ​ថ្ងៃ​អង្គារ ទី​២១ តុលា ស្វាគមន៍​សេចក្តី​សម្រេច​របស់​ធនាគារ​ពិភពលោក ដែល​សម្រេច​បន្ត​ផ្អាក​ប្រាក់​ជំនួយ​នៅ​កម្ពុជា។ លោក​ថា បញ្ហា​ដីធ្លី​នៅ​កម្ពុជា កំពុង​រីក​រាល​ដាល​យ៉ាង​ធ្ងន់ធ្ងរ​មិន​ទាន់​អាច​ដោះស្រាយ​បាន៖ «ការ​ ដោះស្រាយ​នោះ​ហាក់​មាន​ដូចជា​មាន​ការ​យឺតយ៉ាវ ជាពិសេស​ពលរដ្ឋ​មិន​សូវ​ពេញ​ចិត្ត​នឹង​ដំណោះស្រាយ ហើយ​និង រដ្ឋាភិបាល​ត្រូវ​ខិតខំ​បន្ថែម​ទៀត​ឲ្យ​ពលរដ្ឋ​ពេញ​ចិត្ត​នឹង​ដំណោះស្រាយ ហើយ​ឲ្យ​ពលរដ្ឋ​អាច​ស្នើសុំ​ឲ្យ​ធនាគារ​ភ្ជាប់​លុយ​មក​កម្ពុជា វិញ»

មន្ត្រី​នាំ​ពាក្យ​រដ្ឋាភិបាល និង​ជា​រដ្ឋមន្ត្រី​ក្រសួង​ព័ត៌មាន លោក ខៀវ កាញារីទ្ធ មិន​ទាន់​ឆ្លើយ​តប​នឹង​សំណួរ​វិទ្យុ​អាស៊ីសេរី នៅ​ថ្ងៃ​ទី​២១ តុលា នៅ​ឡើយ​ទេ។

ឯកសារ​សិក្សា​របស់​អង្គការ​ក្រៅ​រដ្ឋាភិបាល​ជាតិ និង​អន្តរជាតិ​បង្ហាញ​ថា ពលរដ្ឋ​ខ្មែរ​ប្រមាណ ៧​សែន ៧​ម៉ឺន​នាក់ ត្រូវ​បាន​បង្ខំ​បណ្ដេញ​ចេញ​ពី​ផ្ទះ​សម្បែង និង​ដីធ្លី​ពី​ផ្ទៃ​ដី​ប្រមាណ ៤៩​លាន​ហិកតារ ស្មើ​នឹង​ទំហំ​នឹង​ប្រទេស​អេស្ប៉ាញ (Spain)។ ឯកសារ​បង្ហាញ​ទៀត​ថា មន្ត្រី​មាន​អំណាច​រដ្ឋាភិបាល​កម្ពុជា បាន​ប្រើប្រាស់​យុទ្ធនាការ​ទ្រង់ទ្រាយ​ធំ​រួម​មាន ការ​ធ្វើ​ឃាត ការ​ចាប់​ឃុំ​ខ្លួន​ដាក់​ពន្ធនាគារ រំលោភ​ផ្លូវ​ភេទ និង​គំរាម​កំហែង​ប្រឆាំង​ទៅ​នឹង​ពលរដ្ឋ​ណា​ដែល​ហ៊ាន​ចេញ​មុខ​តវ៉ា​ពី​ការ​ បង្ខំ​បណ្ដេញ​ចេញ៕


Land Communities Take On World Bank

September 19, 2014

By Mech Rara, The Cambodia Daily, 19 September 2014

English4


Protesters Converge on Firm Buying Boeng Kak Land

August 22, 2014

By Mech Dara And Zsombor Peter, The Cambodia Daily, 19 August 2014

English2


Boeng Kak Evictees Protest At Singapore Embassy

August 6, 2014

By Mech Dara, The Cambodia Daily, 05 August 2014

English1

 


Firm’s Split From Beong Kak Project Confirmed

July 17, 2014

By Zsombor Peter And Aun Pheap, The Cambodia Daily, 17 July 2014

English5


Boeng Kak Families Ask ACU to Probe Senator’s Land Sale

July 10, 2014

By Mech Dara, The Cambodia Daily, 08 July 2014

English1


Hun Sen’s Sister Tried to Company in Boeng Kak Land Sale

June 25, 2014

By Mech Dara, The Cambodia Daily, 25 June 2014

English1


Follow

Get every new post delivered to your Inbox.

Join 1,336 other followers