ការចោទប្រកាន់អ្នកបឹងកក់

Feb.23 2012

Boeung Kak residents given more land titles

Khouth Sophakchakrya, phnompenhpost, Feb.21 2012

District authorities issued land titles to another 46 families living in Village 22 around Boeung Kak lake in Phnom Penh yesterday, although some residents still feared eviction as the 12.44 hectares of land designated for them by the government was not clearly marked, a village representative said.
Tep Vanny, who received a land title yesterday, said 73 of the 194 families in Village 22 in Daun Penh district’s Srah Chak commune had received land titles in the past week.
Twenty-eight families had been told previously that they would not receive a title because their homes were not within the 12.44 hectares.
“We are happy, but we are not sure whether we all can avoid eviction a second time if the 12.44 hectares of land is not clearly marked,” she said.
The families also want the government to build a drainage system and issue titles to families cut from the 12.44-hectare area.
Resident Bou Chhorvy, 38, said she had waited five years to receive a land title.

“However, we’re still all worried because we do not have a drainage system around our houses and the Boeung Kak area floods when it rains heavily,” she said.
In Saophorn, deputy chief of Srah Chak commune, said one land title had been withheld yesterday because the family members involved were in dispute.
“In this case, we will provide the land title to either the husband or wife, based on who the court judges as the correct recipient. We have no right to make this decision,” she said.

អាជ្ញាធរ​បន្តផ្តល់ប័ណ្ណដី តែ​អ្នកបឹងកក់​នៅតែ​តាំងចិត្តតវ៉ា

ឃុត សុភចរិយា, ភ្នំពេញប៉ុសិ៍្ត, ថៃ្ង អង្គារ ទី ២១ កុម្ភៈ ២០១២

ភ្នំពេញៈ អាជ្ញាធរខណ្ឌដូនពេញ កាលពីម្សិលមិញ បានផ្ដល់ប័ណ្ណកម្មសិទ្ធិដីធ្លី ដល់អ្នកភូមិ ២២ក្នុងតំបន់បឹងកក់ចំនួន ៤៦ គ្រួសារថែមទៀតប៉ុន្តែអ្នកភូមិនៅតែប្តេជ្ញាថាពួកគេនឹងនៅតែបន្តធ្វើការតវ៉ា
ទាល់តែប្រជាពលរដ្ឋទាំងអស់ ដែលទទួលរងផលប៉ះពាល់ បានទទួលប័ណ្ណកម្មសិទ្ធិទាំងអស់គ្នាទៅ
តាមចំណែកដីដែលលោកនាយករដ្ឋមន្ត្រីបានផ្តល់ឲ្យ។
លោកស្រី អ៊ិន សាផន ចៅសង្កាត់រង សង្កាត់ស្រះចក បានប្រាប់ភ្នំពេញ ប៉ុស្តិ៍ កាលពីម្សិលមិញថា តាមគម្រោងនៃការផ្ដល់ប័ណ្ណកម្មសិទ្ធិដីធ្លី ជូនដល់ប្រជាពលរដ្ឋនៅភូមិ ២២ ជាលើកទី ២ នេះ មានចំនួន ៤៧ គ្រួសារ ប៉ុន្តែគ្រួសារមួយ មានជម្លោះប្ដី ប្រពន្ធ ហើយបានប្តឹងប្តល់គ្នា ទៅដល់តុលាការ ដែលរហូតមកទល់ពេលនេះ នៅមិនទាន់ចប់នៅឡើយ នោះអាជ្ញាធរ បានសម្រេចរក្សាប័ណ្ណកម្មសិទ្ធិដីធ្លីរបស់ពួកគាត់ទុក រហូតដល់មានការសម្រេចពីតុលាការ ។
លោកស្រីបានថ្លែងថា៖«បើតុលាការ សម្រេចសេចក្ដីឲ្យភាគីណាមួយ[ប្ដី ឬ ប្រពន្ធ] ជាអ្នកឈ្នះ នោះយើងនឹងផ្ដល់ប័ណ្ណនោះដល់ភាគីដែលឈ្នះក្ដី ព្រោះនៅពេលនេះ យើងគ្មានសិទ្ធិសម្រេចទេ»
យោងតាមការអះអាង ពីតំណាងពលរដ្ឋ ក្នុងភូមិ ២២ អ្នកស្រី ទេព វន្នី បានឲ្យដឹងថា ពលរដ្ឋក្នុងភូមិ ២២ សរុបមានចំនួន១៩៤ គ្រួសារ ដោយបូករួមពលរដ្ឋ ២៨ គ្រួសារ ដែលត្រូវបានអាជ្ញាធរ កាត់ចេញពីគម្រាងទទួលបានប្លង់កម្មសិទ្ធិ លើដីទំហំ១២,៤៤ ហិកតា ដែលផ្ដល់ដោយលោកនាយករដ្ឋមន្ត្រី ហ៊ុន សែន កាលពីខែសីហា ឆ្នាំ ២០១១។
គិតមកទល់ពេលនេះ ពលរដ្ឋនៅក្នុងភូមិនេះ មានចំនួនតែ ៧៣ គ្រួសារប៉ុណ្ណោះ ដែល បានទទួលប័ណ្ណកម្មសិទ្ធិដីធ្លី ពីអាជ្ញាធរប៉ុន្តែក្រុមអ្នកភូមិ ទាំងអ្នកដែលមិនមានឈ្មោះក្នុងការទទួលបានកម្មសិទ្ធិដីធ្លី និងអ្នកដែលទទួលបានប័ណ្ណកម្មសិទ្ធិរួចហើយ នៅតែតាំងចិត្តថា ពួកគេនឹងនៅតែបន្តធ្វើការតវ៉ាជាបន្តទៅទៀត ដើម្បីទាមទារ ឲ្យអាជ្ញាធរបោះបង្គោលព្រំប្រទល់កំណត់ទីតាំងដីទំហំ ១២,៤៤ ហិកតា ឲ្យបានច្បាស់លាស់ រៀបចំបណ្ដាញបង្ហូរទឹក និងផ្ដល់ប័ណ្ណកម្មសិទ្ធិទៅដល់គ្រួសារពលរដ្ឋផ្សេងទៀត ដែលត្រូវបានកាត់ចេញពីទីតាំងដី ១២,៤៤ ហិកតា ផងដែរ។
អ្នកស្រីទេព វន្នី ដែលទើបតែទទួលបានប័ណ្ណកម្មសិទ្ធិដីធ្លី ពីអាជ្ញាធរកាលពីព្រឹកម្សិលមិញ បានប្រាប់ភ្នំពេញប៉ុស្តិ៍ថា៖«យើងពិតជារីករាយ ប៉ុន្តែយើងនៅមិនទាន់ប្រាកដទេថា តើយើងទាំងអស់គ្នា អាចរួចផុតពីការបណ្ដេញចេញជាលើកទី ២ ឬយ៉ាងណា ខណៈទីតាំងដី ១២,៤៤ ហិកតា នៅមិនទាន់បានកំណត់ព្រំប្រទល់ច្បាស់លាស់នៅឡើយ»។
អ្នកភូមិ ២២ ម្នាក់ទៀត អ្នកស្រីប៊ូ ឆវី អាយុ ៣៨ ឆ្នាំ បាននិយាយទាំងទឹកមុខញញឹមញញែមថា គាត់បានទន្ទឹងរង់ចាំ អស់រយៈពេល៥ ឆ្នាំហើយ ចាប់តាំងពីមានជម្លោះដីធ្លីដ៏រ៉ាំរ៉ៃ នៅក្នុងតំបន់បឹងកក់។ អ្នកស្រីថ្លែងថា៖«តែទោះជាបែបណា ក្ដីបារម្ភនៅតែកើតមាន ចំពោះយើងខ្ញុំ ព្រោះពេលនេះ ប្រព័ន្ធលូបង្ហូរទឹកនៅក្នុងភូមិដ្ឋានរបស់យើង បានកកស្ទះទាំងស្រុង ហើយគ្រប់ពេលដែលមានភ្លៀងធ្លាក់ខ្លាំង យើងទាំងអស់គ្នាក្នុងតំបន់បឹងកក់ តែងតែលិចលង់យ៉ាងខ្លាំង»៕

អ្នកភូមិ​បឹងកក់​ខឹងសម្បា​រឿង​ក្រុមហ៊ុន​ធ្វើឲ្យលិចផ្ទះ​ពួកគាត់

ឃុត សុភចរិយា, ភ្នំពេញប៉ុស្តិ៍, ថ្ងៃព្រហស្បតិ៍ ទី១៦ ខែកុម្ភៈ ឆ្នាំ២០១២

ភ្នំពេញ: អ្នកភូមិបឹងកក់ កាលពីម្សិលមិញបានបង្ហាញនូវការខឹងសម្បាជាខ្លាំងដោយសារទឹកស្អុយ កាកសំណល់ និងល្បាប់ភក់ពណ៌ខ្មៅ ហូរជនលិចចូលពេញក្នុងលំនៅដ្ឋានរបស់ពួកគេពីរថ្ងៃជាប់គ្នានៅក្នុងភូមិ ២៤ និងភូមិ ២២។អ្នកស្រី ឆេង លាភ អាយុ៤៥ ឆ្នាំ អ្នកភូមិ ២២បាននិយាយទាំងទឹក
ភ្នែករលីងរលោងថា ពេលត្រឡប់មកពីលក់ចេកចៀនវិញទឹក និងភក់ដែលលាយឡំនឹងកាកសំណល់ផ្ទះបាយ បានលិចចូលពេញក្នុងផ្ទះរបស់គាត់ ហើយការុងអង្ករបានលិចក្នុងភក់អស់គ្មានសល់។
អ្នកស្រី ថ្លែងថា៖ «ខ្ញុំក្រីក្រមែន តែខ្ញុំមិនដែលឲ្យរដ្ឋាភិបាលពិបាកនោះទេ ដូច្នេះសូមអាជ្ញាធររដ្ឋាភិបាល ពិនិត្យមើលក្រុមហ៊ុនកុំឲ្យបង្កការលំបាកដល់យើងខ្ញុំ»។

ការលិចលង់នេះ បានកើតឡើងបន្ទាប់ពីទំនប់ទឹកក្រវាត់ការពារភូមិបានបាក់ ហើយទឹកនឹងខ្សាច់បានហូរ ចាក់យ៉ាងគំហុក ចូលទៅក្នុងផ្ទះរបស់អ្នកភូមិមួយចំនួន ដែលធ្វើឲ្យខូចខាត សម្ភារទ្រព្យសម្បត្តិ និង ស្បៀង អាហារមួយចំនួនរបស់ពួកគាត់។ទឹកបានហូរជនលិចចូលពេញក្នុងលំនៅដ្ឋានចំនួន៦ និង រោងសិប្បកម្មកាត់ដេរតូចមួយ របស់ប្រជាពលរដ្ឋក្នុងតំបន់បឹងកក់ ដែលស្ថិតនៅភូមិ២២ កាលពីម្សិលមិញ និងផ្ទះមួយចំនួនទៀតនៅក្នុងភូមិ២៤កាលពីថ្ងៃអង្គារ។
លោកហែម រទ្ធី អនុប្រធានរដ្ឋបាលសាលាខណ្ឌដូនពេញ ថា លោកបានទទួលការណែនាំពី ឲ្យស្រង់ស្ថិតិនៃការខូចខាតទ្រព្យសម្បតិ្តរបស់អ្នកភូមិ ដែលរងការលិចលង់ ដើម្បីឲ្យក្រុមហ៊ុន[ស៊ូកាគូអ៊ីន] ទូទាត់សំណង ។
លោកណឹប លី ប្រធានកម្មវិធីពង្រឹងអំណាចសហគមន៍នៃក្រុមការងារពិសេសសិទ្ធិលំនៅដ្ឋានថា ការលិចលង់នឹងនៅបន្តបើអាជ្ញាធរមិនគិតគូរពីប្រព័ន្ធលូ៕

RFA: Shukaku’s Dike Bursts and Flooded a Village Nearby

Feb. 16, 2012

Flooding in Village 22, BKL

A barrier of sand keeping water pumped by Shukaku Inc. from flooding households in the Boeung Kak area broke yesterday resulting in significant flooding of houses in Village 22. This is not the first time the poorly built barriers have collapsed, leading to flooding of households. It remains unclear if Shukaku Inc. will compensate the affected households.

បាក់​ទំនប់​នៅ​តំបន់​បឹង​កក់ លិច​ផ្ទះ​ពល​រដ្ឋ​ជាង​៤០​ខ្នង

អ៊ុក សាវបូរី,វិទ្យុអាស៊ីសេរី, ថ្ងៃពុធ ទី១៥ ខែកុម្ភៈ ឆ្នាំ២០១២

ទំនប់ទឹកដែលក្រុមហ៊ុនស៊ូកាគូ ទប់ដើម្បីបូមខ្សាច់លប់តំបន់បឹងកក់ ស្ថិតក្នុងភូមិ២២ សង្កាត់ស្រះចក ខណ្ឌដូនពេញ រាជធានីភ្នំពេញ បានបាក់ជាថ្មីទៀត ទំហ៊ុំប្រមាណ ១០ម៉ែត្រ នៅម៉ោងជាង ៣រសៀល ថ្ងៃពុធ ទី១៥ ខែកុម្ភៈ ឆ្នាំ២០១២។

ការបាក់ទំនប់ទឹកនៅតំបន់នោះ បណ្ដាលឲ្យលិចផ្ទះប្រជាពលរដ្ឋដែលកំពុងរស់នៅ និងខូចខាតសម្ភារៈរបស់សហគមន៍ជាច្រើន។

តំណាងប្រជាសហគមន៍ អ្នកស្រី ទេព វន្នី ថ្លែងថា ផ្ទះនៅភូមិ២២ បានលិចប្រមាណ ៤០ខ្នង។

ស្រ្តីភូមិ២២ មួយរូបទៀត បន្ថែមថា ម៉ាស៊ីនដេរច្រើនគ្រឿង ដែលសប្បុរសជនផ្ដល់ឲ្យសហគមន៍បឹងកក់ដេរកាបូប និងសំលៀកបំពាក់សម្រាប់លក់យកកម្រៃ ត្រូវទឹកស្អុយធ្លាយចេញពីទំនប់នោះមកពន្លិចខូចខាតទាំងស្រុង។

វិទ្យុអាស៊ីសេរីមិនអាចទាក់ទងក្រុមហ៊ុនស៊ូកាគូជម្រាបសួរព័ត៌មានបានភ្លាមៗទេ។ ទោះជាយ៉ាងណា មានអាជ្ញាធរខណ្ឌដូនពេញបានចុះទៅមើលការធ្លាយទំនប់នោះ តែមិនទាន់មានវិធានការដោះស្រាយនៅឡើយ។

អ្នកស្រី ទេព វន្នី បន្ថែមថា ការធ្លាយទំនប់ទឹករបស់ក្រុមហ៊ុនស៊ូកាគូ ពន្លិចផ្ទះអ្នកភូមិបឹងកក់នេះ មានច្រើនលើកមកហើយ ប៉ុន្តែពុំដែលឃើញក្រុមហ៊ុនមកសាកសួរ ឬផ្ដល់សំណងចំពោះការខូចខាតទ្រព្យសម្បត្តិរបស់ពលរដ្ឋវិញឡើយ៕

កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណាដែលមិនជេរប្រមាថដល់អ្នកដទៃតែប៉ុណ្ណោះ។

Land titles finally come for some B Kak families

Khouth Sophakchakrya, Phnom Penh Post, Feb. 14 2012

A painful wait of almost five years is finally over for 27 families in Phnom Penh’s Boeung Kak who were granted their land titles yesterday.

Pha Lina/Phnom Penh Post

Workers from the New Pex garment factory protest outside the Vattanac Industrial Park 2 complex, in Phnom Penh’s Dangkor district, yesterday. Men Sokha, chief of village 22 in Srah Chak commune, said a total of 29 families had been granted a land title, but two could not be accepted because of a condition that the person whose name was on the land title had to accept it in person. The announcement of land titles, which follows municipal urban management officials having issued 475 land titles up to the end of last year, was greeted with relief and elation. “I am very happy when I got this land title because it gives us hope for the future,” vill-ager Chhoun Vanna, 45, said. Taing Kimsong, 55, said he had watched the authority deliver land titles to hundreds of families in Boeung Kak, but until yesterday no one in his village had received one. “Now I have no more concerns, because I have received a real land title from the authority,” he said. This fine print precluded Yom Bopha, 32, a resident of village 22, from claiming a land title that had been issued to her sister, who had moved to France.

The sisters had agreed to transfer the land title into Yom Bopha’s name, which had been approved by the commune chief, she said.  “I thumbprinted and received the land title certificate, but 30 minutes later, a land cadastral official phoned and ordered me to bring the land title back,” she said. Yom Bopha said she had been told that the “wrong legal procedure” had been followed and her sister could collect it when she returned from France. Chhim Mony,  a Phnom Penh cadastral official who gave the land titles to residents at the Daun Penh dist-rict office, said “it violated    legal procedure” to offer a title to anyone but the owner. According to a document from Daun Penh district governor Sok Sambath, obtained by the Post yesterday, another 47 titles will be issued next Monday, 40 on February 27 and 40 on March 5.

អ្នក​បូរី​កីឡា​និង​បឹងកក់​ត្រូវ​ចាប់​ខ្លួន​ក្នុង​ការ​តវ៉ា​ឱ្យ​ដោះលែង​​អ្នក​តវ៉ា​មុនៗ

ហេង រស្មី ,វីអូអេ ខ្មែរ,ថ្ងៃពុធ ទី០១ ខែកុម្ភៈ  ឆ្នូ២០១២

សាក្សីឃើញផ្ទាល់ភ្នែកនិងមន្ត្រីឃ្លាំមើលសិទ្ធិមនុស្សបាននិយាយ នៅថ្ងៃពុធនេះថា យ៉ាងតិចមានប្រជាពលរដ្ឋអតីតតំបន់បុរីកីឡា និងតំបន់បឹងកក់ចំនួនប្រាំមួយនាក់ត្រូវបានសន្តិសុខសាលាខណ្ឌដូនពេញ និងមន្ត្រីប៉ូលិសបានចាប់ខ្លួនភ្លាមៗ រួចហើយបានយកទៅឃុំឃាំងនៅស្នងការប៉ូលិសក្រុងភ្នំពេញ បន្ទាប់ពីប្រជាពលរដ្ឋប្រមាណជាង១០០នាក់ បានប្រមូលផ្តុំគ្នាតវ៉ាដោយសន្តិវិធីនៅពីមុខសាលាក្រុងភ្នំពេញ។

ប្រជាពលរដ្ឋដែលត្រូវគេចាប់ខ្លះបានស្រែកទ្រហ៊ោថា៖«បងប្អូនអើយ គេចាប់ទៀតហើយ!!!»។បើតាមការបញ្ជាក់របស់ក្រុមមន្ត្រីសិទ្ធិមនុស្សបានឱ្យដឹងថា ការចាប់ខ្លួនបានកើតមានឡើងបន្ទាប់ពីក្រុមប្រជាពលរដ្ឋបានឈរស្រែក តវ៉ានៅពីមុខសាលាក្រុងភ្នំពេញដើម្បីទាមទារឲ្យដោះលែងប្រជាពលរដ្ឋ អតីតតំបន់កីឡាចំនួនប្រាំបីនាក់ ដែលបានចាប់ខ្លួនកាលពីដើមខែមករា។ក្រុមអ្នកតវ៉ាមួយចំនួនដែលភាគច្រើនជាស្ត្រី បានដោះអាវ នឹងស្រាតខោ ដើម្បីប្រឆាំងជំទាស់ទៅនឹងមន្ត្រីមានសមត្ថកិច្ច និងសន្តិសុខសាលាខណ្ឌដូនពេញ។ក្រុមមន្ត្រីប៉ូលិសប្រដាប់ដោយខែល និងដំបងឆក់ជាច្រើនរាប់រយនាក់បានមកបំបែកការតវ៉ារបស់ក្រុមអ្នក ស្រុកក៏ប៉ុន្តែប្រជាពលរដ្ឋបានតបតទៅវិញ ដោយគប់ដបទឹកសុទ្ធ នឹងយកសម្លៀកបំពាក់មកវាយតបនឹងសមត្ថកិច្ច។ពួកគេបានស្រែកដាក់ក្រុមសមត្ថកិច្ចទាំងនោះថា៖«មិនចេះខ្មាសគេទេ! មករករឿងប្រជាជន ទាំងរបាំងការពារទៀត ចំណែកឯប្រជាជនដៃទទេសុទ្ធសាធ»។ការប៉ះទង្គិចគ្នាសារជាថ្មីម្តងទៀតរវាងអ្នកភូមិបុរីកីឡាជាមួយ នឹងសមត្ថកិច្ចដោយមានការចូលរួមពីអ្នកភូមិបឹងកក់ផងនោះ ពុំមានរបាយការណ៍ណាមួយបង្ហាញពីអ្នករងរបួសទេ។ ក៏ប៉ុន្តែមានភូមិបុរីកីឡាចំនួន៥នាក់ និងអ្នកភូមិបឹងកក់ម្នាក់ប៉ុណ្ណោះ ត្រូវបានចាប់ខ្លួន។លោក អំ សំអាត មន្ត្រីផ្នែកស៊ើបអង្កេតរបស់អង្គការសិទ្ធមនុស្សលីកាដូបានហៅការ ចាប់ខ្លួននេះគឺជារំលោភសិទ្ធិមនុស្ស និងមិនមែនជាដំណោះស្រាយទេ។«រាជរដ្ឋាភិបាលលោកគួរតែរកដំណោះស្រាយមួយដ៏ល្អ ដើម្បីបង្ហាញដល់អន្តរជាតិក៏ដូចជាអាស៊ានថារដ្ឋាភិបាលយើង កំពុងតែមានចំណាត់ការល្អទាក់ទងទៅនឹងវិស័យសិទ្ធិមនុស្សនេះ»។លោក កើត ឆែ នាយករដ្ឋបាលសាលាក្រុងភ្នំពេញមិនបានធ្វើអត្ថាធិប្បាយណាមួយ ជាមួយនឹងវីអូអេសំឡេងសហរដ្ឋអាមេរិកដែលបានសាកសួរអំពីមូលហេតុនៃការ ចាប់ខ្លួនប្រជាពលរដ្ឋទេ ដោយលោកគ្រាន់តែបញ្ជាក់តាមសំឡេងដើមថា៖ «ថាអ្នកឯងឃើញគេធ្វើអីហ្នឹង! គេធ្វើយ៉ាងម៉េច អ្នកឯងមើលតាមហ្នឹងទៅ។ គេចាប់យកទៅណាដឹងតាមហ្នឹងទៅ វិនិច្ឆ័យអីញ្ចឹងទៅ! លោកឯងឃើញគេធ្វើអីអត់? លោកឯងមានភ្នែកដែរ ខ្ញុំមានភ្នែកដែរ! ឃើញថាម៉េច និយាយអញ្ចឹងទៅ!»។ក្រុមអតីតអ្នករស់នៅតំបន់បុរីកីឡាប្រមាណជាង១០០នាក់ បានមកដាក់ញត្តិសារជាថ្មីដល់សាលាក្រុងភ្នំពេញ ដើម្បីទាមទារឲ្យដោះលែងប្រជាពលរដ្ឋចំនួន៨នាក់ ដែលបានចាប់ខ្លួនកន្លងទៅនេះ។ប្រជាពលរដ្ឋបាននិយាយថា ញត្តិដែលបានដាក់ជូនទៅសាលាក្រុងកាលពីលើកមុន មិនមានការឆ្លើយតប និងអើពើពីមន្ត្រីសាលាក្រុងភ្នំពេញទេ។ពួកគេបានស្រែកអំពាវនាវដល់លោកនាយករដ្ឋមន្រ្តីហ៊ុន សែនឱ្យធ្វើអន្តរាគមន៍ក្នុងរឿងនេះ៖«សព្វថ្ងៃហ្នឹងពួកខ្ញុំវេទនាណាស់! គ្មានទីជម្រកអីទាំងអស់! មានតែម្រាមដៃដប់ សូមអំពាវនាវឲ្យសម្តេចជួយ»។កាលពីថ្ងៃទី៣ ខែមករា កន្លងទៅនេះ អ្នកភូមិបុរីកីឡា ត្រូវបានអាជ្ញាធរខ្មែរបណ្តេញចេញដោយបង្ខំលាយឡំជាមួយនឹងការ ប្រើប្រាស់អំពើហិង្សាយ៉ាងបំពាបំពាន។ ហើយក្រោយមកយ៉ាងតិចមានប្រជាពលរដ្ឋចំនួន៨នាក់ ត្រូវបានរាយការណ៍មកថា ត្រូវបានចាប់យកទៅឃុំឃាំងនៅក្នុងពន្ធនាគារព្រៃស និងពន្ធនាគារប៉េស្ស៊ី ក្រោមបទចោទប្រកាន់ថាជាប់ពាក់ព័ន្ធ និងការប្រើប្រាស់អំពើហិង្សា និងប្រឆាំងអ្នករាជការសាធារណៈ។អ្នកភូមិបុរីកីឡា ក្រោយពីរងការបណ្តេញចេញដោយបង្ខំមានមួយចំនួនគ្មានទីជម្រក និងមួយចំនួនទៀតត្រូវបានដឹកជញ្ជូនយកទៅរស់នៅតំបន់ភ្នំបាតនៅ ក្នុងស្រុកពញាឮ ខេត្តកណ្តាល និងតំបន់ទួលសម្បូរណ៍ ក្នុងខណ្ឌដង្កោ ជាយក្រុងភ្នំពេញ៕