កូនៗ​អ្នក​បឹង​កក់​សុំ​ឲ្យ​ព្រះ​មហាក្សត្រ​លើក​លែង​ទោស​ឪពុក​ម្ដាយ​ពួក​គេ​

ថុលស្រីលក្ខណ៍ និង អ៊ឹង ប៊ុនថន,VOD, ថ្ងៃអង្គារ ទី05 មិថុនា ឆ្នាំ2012 

bkl-chirl-khorn01

កុមារៗ កូនអ្នកភូមិបឹងកក់ដែលជាប់ពន្ធនាគារ

កុមារៗដែលជាកូនរបស់ពលរដ្ឋបឹងកក់ និងអ្នកភូមិសរុបប្រហែល ២០០នាក់ បានលុតជង្គង់នៅមុខព្រះបរមរាជវាំង នៅព្រឹកថ្ងៃអង្គារនេះ ដើម្បីដាក់ញត្តិសុំឲ្យអន្តរាគមន៍ឲ្យដោះលែងតំណាងពួកគេចំនួន១៥នាក់ ដែលកំពុងជាប់ឃុំដោយអយុត្តិធម៌។

អ្នកស្រី យ៉ោម បុប្ផា ជាប្រជាពលរដ្ឋបឹងកក់ មានប្រសាសន៍ថា ពួកគាត់ស្នើសុំអន្តរាគមន៍ពីព្រះមហាក្សត្រ ឲ្យដោះលែងតំណាងទាំង១៥នាក់នោះមកវិញ។ តែអ្នកស្រីថា ពួកគាត់ខកចិត្ត ដែលខុទ្ទកាល័យព្រះមហាក្សត្រ មិនបានចេញមកទទួលយកញត្តិរបស់គាត់ ៖ “ខ្ញុំអស់សង្ឃឹមខ្លះដែរ ប៉ុន្តែខ្ញុំក៏នៅតែបន្តដាក់បន្តទៅទៀត មិនៗឈប់ទេ គឺនៅតែបន្ត ដោយសារតែតុលាការនេះ គាត់កាត់ទោសប្រជាពលរដ្ឋ ត្រឹមតែរយៈពេលបីម៉ោង ដែលមិនមានមេធាវី ដោយមិនមានឯកសារអីពាក់ព័ន្ធត្រឹមត្រូវ គាត់បានកាត់ទាំង មិនមែនកាត់តាមច្បាប់ទេ អានេះគឺកាត់តាមបទបញ្ជា”។

Advertisements
This entry was posted in ការឃុំខ្លួន, ការតវ៉ាដីធ្លា បឹងកក់, ខ្មែរ, រំលោភសិទ្ឋិមនុស្ស, អំពើហិង្សា. Bookmark the permalink.